LAOAG CITY – Inrakurak ni United States President Donald Trump a naaddaanda ti nalawa a trade deal iti Japan.
Inbatadna nga immannugoten ti Japan nga ag-invest ti $550 bilyon iti Estados Unidos idinto a dagiti produktoda nga ilako iti Estados Unidos ket mapatawan ti 15 %.
Naammoan a ti nasao a taripa ket nababbaba maidasig iti 25 a porsiento nga immuna nga inballaag ni Trump iti Japan.
Ibilang daytoy ni Trump a kadakkelan a trade deal iti pakasaritaan ti Amerikan ken Japan.
Naragsakan met ni Japanese Prime Minister Shigeru Ishiba daytoy a rakurak ni Trump no sadinno a daytoyen ti kababaan a taripa nga inpaay ti Estados Unidos iti aniaman a pagilian.
Inpetteng ni Ishiba a ti katulagan ket saan a karaman ti aniaman a panagkissay ti taripa iti Japan.
Immunan nga inpakaammo ni Trump a ti panangipataw kadagiti taripa ket agbalin nga epektibo inton Agosto 1.
