LAOAG CITY – Nagpanawagan manen ni US President Joe Biden iti kongreso a mai-ban ti assault rifles, pakairamanan ti model a nausar iti pannakapaltog ni dati nga US President Donald Trump.
Maipalagip a nasugatan ti lapayag ni Trump kalpasan a pinaltugan ti gunman bayat ti campaign rally na idiay Pennsylvania idi sabado.
Inpetteng ni Biden a ti AR-15 a nausar iti pannakapaltog ni Trump ket isu ti assault weapon a nakatayanen ti kaadoan, pakairamanan ti ubbing.
Innayon na a panawenen tapno mai-ban dagitoy a klase ti paltog iti intero nga Estados Unidos.
