LAOAG CITY – Pinalagipan ni Vice Governor Angelo Marcos Barba ti ili a Pagudpud para ti panangtagiben ti kinapintas ti lugar da kas panangsurot ti waste disposal ken panangkontra ti anyaman a pulosyon nga igubway dagiti resort ken hotel.
Daytoy ti maysa kadagiti bugas ti sarita na bayat ti panagatendarna ti maikawalo nga selebrasion ti Kangayedan Festival iti nasao nga ili.
Kuna na a ti nasao nga ili ket dakkel ti masakbayan na gapu ta narway a turista dagiti dumaydayo ken daytoy ket nangted ti pagsapulan ken pagubraan dagiti umili.
Innayon na a saan kuma a maiyuray a maitulad ti ili a Pagudpud iti temporaryo a pannakapaserra ti isla ti Boracay ken masapul ti panagtitinnulong iti pribado a sector, LGU ken gobyerno probinsial.
Naamuan nga immabot ti 500 a ribo dagiti turista dagiti nagpasyar idi Holy Week.
