LAOAG CITY – Inpetteng ni Vice President Sara Duterte a saan nga agresign manipod iti posisyon na kalpasan a naimpeach iti kamara de representantes.
Inbatad na a saanna pay a nabasa ti verified impeachment complaint kontra kenkuana.
Kuna na nga iti agdama ket dagiti laeng abogado na ti agtrabtrabaho para iti sangsangwen na a reklamo.
Mainaig iti daytoy, nagkedked nga agkomento ni Duterte no kumpiyansa nga ibasura ti senado ti impeachment complaint kontra kenkuana.
Inpaganetget na nga awan pay ti nakasarsarita na a kameng iti senado, nga uray dagiti papagayam na seknan iti daytoy a banag.
Kabayatanna, inpalgak ni Vice President Duterte a para kenkuana ket nasaksakit pay ti pinanawan ti karelasyon ngem ti ma-impeach iti kamara de representantes.
