LAOAG CITY – Inrakurak ni Vice President Sara Duterte nga adu ti rasonna isu a naglusulos kas sekretario ti Department of Education.
Inbatadna nga atiddog ti listaan dagiti rasonna pakairamanan ti personal, Department of Education, budget ken iti komunidad.
Iti agdama ket saan pay a nakasagana isuna nga ibinsa-binsa ngem ibutaktakna dagitoy iti umiso a panawen.
Inpettengna a pinadasna a solbaren dagiti biddotna ngem awan ti naalana a suporta.
Innayonna a tapno saanen a maulit pay ti isyu iti departamento inton 2025 ket napanunutna nga agikkat lattan iti puesto.
