LAOAG CITY – Opisyalen a nangisumitir ti entry of appearance ti 11 a miyembro ti prosecution panel ti Kamara de Representantes iti Senate Impeachment Court para iti panangusig ken ni Vice President Sara Duterte, kalpasan a nagsapata dagiti senador ken nagtitipon kas maysa a tribunal.
Ti “Formal Entry of Appearance” ket personal nga inpila da Senate Impeachment Court ni House Secretary General Cheloy Garafil para kadagiti prosecutors a binotosan ti kababaan a pagpandayan linteg iti kongreso.
Ti nasao a panagpila ket senyales ti kinasaganan ti kamara de representantes a mangituloy ti pakasaritaan nga impeachment trial kalpasan a nagbotos ti kababaan a pagpandayan linteg iti kongreso no sadinno a 257 ti pimmabor, 25 ti nangkontra ken siyam nga abstention, tapno ma-impeach ni Duterte ken ipasa ti Articles of Impeachment iti Senado.
Iti tallo a pinanid a mosyon, pormal a nangipakita ti 11 nga agpanpanday linteg iti Kamara de representantes nga impeachment court kas public prosecutors iti kaso kontra ken ni Duterte.
Nainaganan iti mosyon ni House Committee on Justice Chair ken Batangas 2nd District Rep. Gerville “Jinky Bitrics” Luistro kas lead public prosecutor.
Amin dagiti proseso ti korte ket maipatulod iti babaen ti Office of the Secretary General ti Kamara de representantes.
Ti dokumento ket pinirmaan ni Luistro ken dagiti pada na a public prosecutors nga isuda Representatives: Terry Ridon (Bicol Saro Party-list); Ramon Rodrigo Gutierrez (1-Rider Party-list); Ysabel Maria Zamora (San Juan City);Lorenz Defensor (Iloilo 3rd District);Jose Manuel “Chel” Diokno (Akbayan Party-list); Leila de Lima (Mamamayang Liberal Party-list); Arlene “Kaka” Bag-ao (Dinagat Islands); Jonathan Keith Flores (Bukidnon 2nd District); Lordan Suan (Cagayan de Oro 1st District) ken Joel Chua (Manila 3rd District).
