LAOAG CITY – Plano nga ipanawagan ti House Prosecution panel a maipa-subpoena ni Vice President Sara Duterte tapno obligaren nga agtestigo iti presentasyon ti ebidensiya iti impeachment article mainaig iti grave threats allegations.
Daytoy ket basar ken ni counsel for the prosecutors Atty. Lorna Kapunan.
Inbatad ti abogado a gagem ti prosekusyon ti agpila ti request para iti subpoena iti uneg ti 11 nga aldaw a trial a nailatang para iti presentasyon ti ebidensiya para iti artikulo kwatro.
Segun ken ni Atty. Kapunan, ti nasao a request ket ipila da intono Martes, Hulyo 14 kas maiyataday iti procedures ti korte ken mapasurutan ti legal memoranda manipod iti depensa ken prosekusyon.
Kuna na a nadakamat ni Trial Presiding officer Francis Escudero iti prosekusyon a desisyunan da ti nasao a kiddaw iti kanito a pormal a maipila ti panel ti written motion.
Kabayatanna, inrakurak met ni prosecution legal spokesperson Atty. Benjamin Tolosa a no mapaawagan ni Vice President Duterte tapno agtestigo, possible a saan laeng a limitado iti grave threats article ti agbalin a testimonya ti bise presidente.
