LAOAG CITY – Naarestar ditoy ciudad ti Laoag ti maysa a lalaki a wanted person iti probinsya ti Cavite.
Nabigbig daytoy a ni Elmer Talay, agtawen ti 46, naasawaan ken residente iti Malabag, Silang Cavite.
Natiliw daytoy babaen ti bileg ti warrant of arrest a pinaruk-atan ni Hon. Jaime Santiago, ti presiding judge ti RTC Branch 18 idiay Tagaytay City.
Daytoy ket gapo iti panaglabsing na iti RA 9262 wenno ti Anti Violence Against Women and their Children Act of 2002.
Narekomendaran daytoy nga agpyansa ti 24 a ribo a pisos.
