LAOAG CITY – Natiliw ti maysa a wanted person iti Brgy 53 Rioeng ditoy ciuad ti Laoag.
Binigbig ni Police Major Nelson Apostol, ti mangidadaulo ti CIDG-Ilocos Norte ti suspek a ni Romeo Belanos Geronimo, agtawen ti 35, awanan ti asawa, scrap buyer ken residente met laeng iti nasao a barangay.
Babaen ti nagtitipon a pwersa ti CIDG Ilocos Norte, PFU (lead unit), Ilocos Norte Maritime Police, PIU, INPPO ken PNP-Laoag ket naiserbi ti warrant of arrest nga inparuk-at ni Hon. Bonhoefer Vergara Bernardez, Assisting Judge, FJR, RTC Branch 11 ditoy ciudad ti Laoag kontra iti nasao a suspek.
Daytoy ket gapu iti kaso ti suspek a dua a counts iti panaglabsing iti Republic Act (RA) 7610 wenno Special Protection of Children against Child Abuse, Exploitation and Descrimination Act.
Nairekomendar ti 200 a ribo a pisos a pagpiyansa ti suspek para iti temporaryo a pannakawaya-waya na.
Iti agdama, nagtalinaed ti suspek iti kustodyar ti CIDG ditoy probinsya.
