LAOAG CITY – Kalilagum ni Ryan Garcia, ti WBC interim lightweight champ a kalabanen ni IBF welterweight champ Jaron ‘Boots’ Ennis kalpasan nga inabak ni Ennis ni Eimantas Stanionis.
Inladawan ni Garcia nga alisto a mangabak ni Ennis iti 147 lbs gapu ta maipagarup a nakapsot dagiti kampeon iti nasao a kategoria.
Naammoan nga uray napigsa ni Ennis, inbatad ni Garcia a masansan daytoy a tamaan ti danog a mangitunda ti panagkapsot tapno ma-knockdown.
Segun iti WBC interim lightweight champ, napigpigsa isuna ngem ni Stanionis ken nakasagana daytoy a mangaramid ti mega-fight kontra ken ni Ennis.
Inbatad ni Garcia a masapul a sangoen ti IBF welterweight champ dagiti naririgat a kalaban tapno makastrek iti pound-for-pound list.
Saan met pay a simmungbat ni Ennis iti karit ngem seryoso ni Garcia iti laban basta naurnos ti premio.
