LAOAG CITY – Manamnama ti panagatendar dagiti sumagmamano nga opisyal ti gobyerno national ti maisayangkat a Wedding of the Year.
Daytoy ket ti panagkasar da Atty. Ferdinand Micheal Marcos Manotoc kenni Miss Carina Amelia Manglapus.
Ni Atty. Manotoc ket maysa kadagiti apoko ni dati a Presidente Ferdinand Edralin Marcos ken maikadua nga anak ni Gov Imee Marcos.
Ni Ms. Manglapus ket apoko ti dati a Foreign Secretary Raul Manglapus.
Saan met a nainaganan dagiti national officials nga agbalin a ninong ken ninang.
Agsagsagana metten ti pamilya Marcos iti nasao a pakasar.
Maangay ti panagkallaysa da Manotoc kenni Manglapus iti St Augustine’s Church iti ili a Paoay.
