LAOAG CITY – Nagbalinen nga state witness ni whistleblower Julie “Dondon” Patidongan ken ti kabsat na a ni Ellakim kadagiti sumagmamano a kaso nga adda ti pakainaigan na iti mapukpukaw a mammallot iti babaen ti Department of Justice (DOJ) Witness Protection Program (WPP).
Iti 120-page resolution, inbasura ti DOJ ti kaso da Patidongan ken Ellakim iti reklamo nga inpila ti pamilya dagiti mapukpukaw a mammallot.
Ti kaso ket ti serious illegal detention kasta met ti multiple murder.
Kuna ni Justice spokesperson Polo Martinez a ni Patidongan ken Ellakim ket saan a karaman iti information a naipila iti korte.
Nupay kasta, nagtalinaed ni Patidongan kas respondent iti kidnapping ken serious illegal detention case a naipila iti Manila court gapo iti maipagarop a pannakakidnap da John Claude Inonog, James Baccay, Marlon Baccay, Rondel Cristorum, Mark Joseph Velasco, ken Rowel Gomez.
Inlawlawag ni Martinez a daytoy ket sabali a kaso.
