LAOAG CITY – Inabisoan ti White House dagiti federal workers a saganaan ti shutdown.
Segun ken ni White House Press Secretary Karine Jean-Pierre nga isuda mismo ken saan a dagiti ahensia ti nangipaay ti ballaag para iti posibilidad ti government shutdown.
Inbatadna a nakasaritanan ni United States President Joe Biden da Senate Majority Leader Chuck Schumer ken House Minority Leader Hakeem Jeffries nga inbagana a nasken a kitaenna dagiti mapaspasamak.
Kunana a maawatanna ti Presidente no kasano ti trabaho ti kongreso gapu ta saan laeng daytoy ti umuna a gundaway a naaddaan ti government shutdown ti Estados Unidos.
Nagbalin a restricted met ti transition activities no agtultuloy ti government shutdown inton sumaruno a tawen.
Maipalagip a sumagmamano kadagiti options a makitkita ita dagiti House Republicans iti insayangkatda a taripnong ket ti gudduaen ti mailunglungalong a linteg a ti maysa ket palawaen ti government funding ti agingga iti Marso ken ti maysa ket gudduaen met ti hurricane disaster relief aide ken palawaen ti agriculutural industry support.
Ti shutdown ket mangipasimudaag ti mainilyon nga empleado ti gobierno ti saan a mabayadan ita a paskua ken maisardeng ti amin dagiti non-essential, discretionary functions ti United States government.
Maipalagip a kinontra dagiti a taga United States House ti funding measures ni United States President elect Donald Trump a saan daytoy a nakaala ti two-thirds a majority tapno maipasa.
