LAOAG CITY – Inaaramid dagiti Persons Deprived of Liberty manipud iti Provincial Jail ti 100 a parol a naibitin iti Provincial Capitol kaggiddan ti panagpasilaw da iti 100 ft. Christmas Tree ditoy probinsia.
Segun ken ni Mr. Xavier Ruiz, Officer-in-Charge ti Provincial Tourism Office a ti panagaramid ti parol ket nagbalinen a tinawanen nga araramiden dagiti balod tapno makatulong ti gobierno probinsial tapno adda ti kanayonan a pammastrekan dagitoy.
Inlawlawag ni Ruiz a ti dekorasion nga agsinan regalo ket mangisimsimbolo kas aginaldo kadagiti umili babaen iti gtultuloy a pangipaay ti gobierno ti probinsial ti napintas a serbisio.
Kabayatanna, ti Christmas Light-up ti gobierno probinsial ket agingga iti Enero 3, 2025.
