LAOAG CITY – Makaawat ti sagsasangapulo a ribo a pisos kas service recognition incentive dagiti permanente ken casual nga empleyado iti Laoag City Hall ita bolan, malaksid laeng ti dati a maaw-awatda a 5 a ribo a pisos a bunosda.
Daytoy ket kas panagcomply ti administrative order manipod kenni Presidente Rodrigo Duterte nga addaan ti titulo nga “Authorizing the grant of service recognition incentive for govt employees for fiscal year 2019”.
Segun kenni Mrs. Ruby Castro Bunaladen, maited ti nasao a gatad agingga intono Dec. 20 ken direkta a maipan iti ATM card dagiti maseknan nga empleado.
Naamoan a ti pakabuklan ti maited a nayun nga insentibo kadagiti empleado iti Laoag City Hall ket 9,010,000 nga isu ti inpasa ti konseho ditoy ciudad.
