LAOAG CITY – Kinumpirmaran ni Barangay Captain Jondie Bayudan iti Barangay Sto. Niño iti ili ti Nueva Era nga adda ti 13 nga indibidwal ti agtestigo wenno mangipaneknek a saan a ni Barangay Lucky Paul Baoit ti responsable iti pammaltog a napasamak iti Barangay 4, Marcos iti ili ti Banna a nakatayan ni Jamerson Agamata, agtawen ti 53 ken residente iti Barangay Nagpatayan, Banna.
Segun kenni Bayudan, dagiti nasao nga indibidwal pakairamanan ni Baiot ken dadduma pay a kagawad ket napan da nagtrabaho iti ili ti Badoc ken 5:45 iti malem iti simmangpet da iti Barangay da ken alas-sais iti nagsisina dagitoy kalpasan a nagsweldo da.
Inlawlawag na a saan pay a naipresentar iti pulisya dagiti nadakamat nga indibidwal ngem inpasigurado na a nakasagan dagitoy nga agtestigo.
Inbatad na a sakbay a napan dagiti kameng ti PNP iti pagtaengan na ket ummuna da pay laeng a nagturong kenni Baoit ken napan da iti pagtaengan ti SK Chariman a ni Renz Paul Baoit isut gapo na a nasdaaw da gapo ta ti kagawad metten ti inarestar dagiti pulis.
Inpetteng na nga awan met dagit nakairamramanan ti Baoit a madi a pasamak ken nigaren na ti background a ti maitudtudo a gunman ket miembro ti gun for hire.
Saan met a maibaga ni Bayudan a no anya ti nagibasaran dagiti kameng ti PNP no apay a ni Baiot ti naitudo a gunman.
