LAOAG CITY – Addan ti 14 a tattao ti nairekord a pimmusay kalpasan ti panagbettak dagiti handheld radio wenno ‘walkie-talkie’ iti nagduduma a paset ti Lebanon.
Umabot met iti agarop 450 a tattao ti nasugatan iti Dahiya, Beirut a pagnanaedan ti kaadoan nga Hezbollah fighters.
Napasamak ti insidente maysa nga aldaw kalpasan ti panagbettak dagiti pagers a nakatayan ti agarop 20 nga Hezbollah ken nakasugatan ti agarop 3 ribo nga indibidual.
Gapu iti daytoy, binalakan ti gobyerno ti Lebanon ti umili a liklikan paylaeng ti panagusar kadagiti communications gadget a mabalin a target ti Israel.
Atapen ti Lebanon a ti adda iti likudan ti insidente ket ti Mossad, ti spy agency ti Israel.
