LAOAG CITY – Natay ti 16 nga indibidual ken 29 ti nasugatan pakairamanan ti maysa nga ubing kalpasan a pinaltu-paltogan ti dua nga armado a lallaki dagiti sibilian iti Bondi Beach idiay Australia.
Basar iti report ti pulisia, iggemdan dagiti suspek no sadinno a ti maysa kadakuada ket adda iti kritikal a kondision kalpasan a natamaan ti bala iti pannakipinnaltogna kadagiti otoridad.
Nangipaay ti rakurak iti online ni Prime Minister Anthony Albanese ken inawaganna ti napasamak a maysa a makapakigtot ken makapadanag.
Mainaig iti daytoy, manarimaan ti pannakaisayangkat ti pannakaselebrar iti panangrugi ti Hanukkah nga adda ti sumurok maysa a ribu ti nagatendar idi napasamak ti insidente.
Nai-deploy ti rescue bomb disposal unit kalpasan a naduktalan dagiti pulis ti maysa a lugan a mapapati nga adda ti kargana a sumagmamano nga improvised explosive devices.
Kabayatanna, awan pay ti inpaay nga impormasion dagiti otoridad mainaig iti namunganayan ti insidente kabayatan nga agtultuloy ti imbestigasion.
Naammoan a ti nasao a pammaltog ket isu ti kabaroan a nairekord a mass shooting kalpasan iti uneg ti 29 a tawen.
