LAOAG CITY – Umabot iti 18 a tattao ti kumpirmado a natay kalpasan ti iraraot dagiti armado a lallaki a nakalugan ti motorsiklo iti mosque iti Maza-Kuka community idiay Nigeria.
Malaksid kadagiti natay ket ado pay a worshippers ti nasugatan iti napasamak a panagatake.
Segun kadagiti testigo, kabayatan ti panagkararag iti mosque ket kellaat lattan a napan nagpalto-paltog dagiti suspek.
Kinumpirmaran met dagiti otoridad a maysa kadagiti suspek ket napatay ti security forces.
