LAOAG CITY – Umabot ti 18 nga health personnel iti Mariano Marcos Memorial Hospital and Medical Center ti agdama a naka-quarantine iti University Mansion iti ciudad ti Batac.
Daytoy ti kinumpirmaran ni Dr. Shirley Agrupis, ti Presidente iti Mariano Marcos State University (MMSU).
Nupay kasta, saan a maibaga ni Agrupis no dagiti nasao nga health personnel ket isuda dagiti nangasistir ti maikapat a covid-patient a nagpasngay iti nasao nga ospital.
Inlawlawag ni Agrupis nga amin a frontliners iti ospital iti ciudad ti Batac ket mabalin da ti mapan agdagus iti University Mansion gapu ta adda ti Memorandum of Agreement (MOA) a pinirmaan da idi Marso 27.
Innayon na a daytoy ket tulong metten ti MMSU kadagiti frontliners iti ospital iti nasao a ciudad.
