LAOAG CITY – Napagsubli dagiti 21 nga indibidwal iti border control iti ili ti Badoc kalpasan a nakadanon da iti ili ti Dingras gapo ta 19 kadagitoy ket maipagarop nga awanan ti dokumento a sumrek ditoy probinsya ken naggapo ta idiay Pampanga.
Daytoy ti kinumpirmaran ni Police Captain Joseph Calderon, ti chief of police ti PNP-Dingras.
Segun kenni Calderon, agarop 7:30 idi rabii ket nakaawat da ti report nga ado dagiti tattao nga adda iti asideg ti simbaan iti Barangay Madamba ken dagus da a nagturong iti lugar.
Iti panagimbestigar dagiti orotidad, naduktalan a dua laeng kadagitoy wenno dagiti driver ti addaan ti dokumento a naipresentar.
Gapo iti daytoy, napagsubli dagitoy iti border control partikular iti paginspeksyonan ti acrgo trucks iti ili ti Pinili.
Naamoan a dagiti nasao nga indibidwal ket aglako kuma ti foam ita nga aldaw iti ili ti Dingras.
Kabayatanna, agtultuloy met ti imbestigasyon dagiti otoridad partikular iti ili ti Pinili mainaig iti daytoy.
