LAOAG CITY – Natay ti dua a piloto kalpasan a naidungpar ti maysa nga Air Canada Express nga eroplano iti maysa a fire truck iti runway ti LaGuardia Airport iti New York.
Ti insidente ket napasamak kabayatan ti panagdisso ti Flight AC8646 manipod Montreal, a patpatarayen ti Jazz Aviation.
Adda ti 72 a pasahero ken uppat a crew ti nakalugan iti eroplano, ken agpapada dagitoy a nakalasat nupay sumagmamano kadakuada ket nagsagaba ti minor injuries.
Dagus a napaserraan ti erupuerto ken nangipruk-at ti ground stop ti Federal Aviation Administration (FAA), a nagresulta iti pannaka-kanselar ken pannakai-divert ti nasurok a 500 a flights nga agturong iti JFK ken Newark airports.
Nangitunda ti trahedya ti dakkel a perwisyo iti rinibo a pasahero ken maibilang a maysa kadagiti kagrabean nga insidente iti LaGuardia kadagiti naglabas a tawen.
Agtultuloy ti imbestigasyon tapno maestablisar no ti insidente ket operational error, miscommunication, wenno dadduma pay a problema.
