LAOAG CITY – Umabot iti 20 a tattao ti natay idinto a 70 a sabsabali dagiti nasugatan iti napasamak a panagbettak iti train a nagluganan ti military personnel iti Pakistan.
Napasamak ti panagbettak kabayatan ti panagdalyasat ti tren iti Chaman Phatak station iti Quetta, ti kabisera iti western Balochistan region.
Inbatad dagiti Railway officials a kadwa dagiti service personnel ti pamilya da nga agsubli koman iti pagtaengan da para iti Eid wenno festival.
Inadmitir ti Balochistan Liberation Army (BLA) separatist group nga isuda ti adda iti likudan ti napasamak a panagraot no sadinno a kinumpirmaran da a daytoy ket suicide bombing.
