LAOAG CITY – Nakaawiden ditoy Pilipinas ti 24 a Filipino a naibalud idiay Russia.
Ti nasao a damag ket kalpasan ti inaramid a dua nga aldaw a panagbisita ni Presidente Ferdinand Marcos Jr. idiay Russia no sadinno a nakasaritana a personal ni Russian President Vladimir Putin.
Inbatad ni Presidential Communications Office Secretary Dave Gomez a simmangpet dagiti maseknan a Filipino iti Ninoy Aquino International Airport (NAIA) terminal 1 itay parbangon ita nga aldaw ti Domingo, Hunio 21.
Adda ti dua a bansada ti simmangpet ditoy pagilian a ti innem kadakuada ket simmangpet iti 12:05 itay parbangon a nakalugan ti Philippine Airlines Flight PR 737 idinto a ti 18 a dadduma pay ket simmangpet iti 4:05 itay bigat iti babaen ti Philippine Airlines Flight PR 733.
Naammoan a ti dua a flight ket naggapu iti Bangkok, Thailand.
Kuna ni Gomez nga inpasigurado kadakuada ti Philippine Embassy iti Bangkok a mangipaayda ti tulong kadagiti 24 a Filipino.
Sinabat isuda ni Foreign Affairs Secretary Ma. Theresa Lazaro ti umuna a bansada dagiti nagawid a Pinoy manipud idiay Russia.
