LAOAG CITY – Inbatad ni Senador Panfilo “Ping” Lacson a naamoannan dagiti saan a bumaba a tallo nga indibidual a maipagarup “bagman” nga adda pakainaiganna kadagiti proyekto ti pang-imprastraktura iti siuadad ti Taguig.
Segun ken ni Lacson, adda dagiti sumagmamano nga indibidual nga immasideg iti kampona tapno mangited ti impormasion kalpasan ti panangirakurakna iti maipagarup naanomalya a proyekto iti Taguig.
Inadmitir ni Lacson a prayoridadna ti imbestigasion iti Taguig gapu iti saanda a panagkinnaawatan ken ni Senate Minority Leader Alan Peter Cayetano ngem inpettengna a saanna a target ti nasao nga siudad.
Iti agdama, tingtingitingen ti grupo ni Lacson ti maipagarup ghost projects, agpapada a proyekto ken dua a ₱100 million appropriations a segun kenkuana, addaan daytoy ti agpada a lokasion ken pannakailadawan.
Maipalagip nga immunan a naglikudan ni Cayetano ti alegasion a ghost projects iti Taguig.
Kabayatanna, inbatad ni Lacson ti planona a panangisubmitir kadagiti nakolektarna nga ebidensia iti Office of the Ombudsman sakbayna nga ipila daytoy iti Senate Blue Ribbon Committee.
