LAOAG CITY – Inbutaktak ti National Bureau of Investigation (NBI) nga adda pay lima nga opisial ti gobierno ti taget iti honeytrap a mainaig ken ni Rep. Leandro Leviste.
Malaksid ken ni Executive Sec. Ralph Recto, ti sex scandal plot ket maipagarup met a target-na ni Ombudsman Boying Remulla, Department of the Interior and Local Government (DILG) Sec. Jonvic Remulla, Gabinete Sek. Benhur Abalos, Department of Public Works and Highways (DPWH) Sec. Vince Dizon, ken Department of Information and Communications Technology (DICT) Sec. Henry Aguda ti nagbanaganna.
Gapu iti daytoy, impanamnama ni NBI Director Matibag nga imbestigaren ti agensia ti amin nga ebidensia a mangpaneknek iti nasao a report.
Inlawlawag ni Matibag nga agtaltalinaed a sayangguseng ti report gapu ta awan pay ti ebidensia da.
Kunana a ti laeng nalawag iti agdama ket nakisarita ti naaresto a talent manager ken ni dati a Rep. Jing Paras a ti nangiplano iti character assassination kontra ken ni Executive Sec. Ralph Recto.
Innayon ni Matibag a mabalin a sumango ti dati a agpampanday-linteg iti perjury ken dadduma pay a kaso bayat a maad-adal ti human trafficking angle.
