LAOAG CITY – Napagawiden ti grupo dagiti 59 a South Koreans a nabalud idiay Cambodia a maipagarop a karaman iti online scams, ken nakaposas dagitoy kabayatan ti pannakaibiyahe da.
Immuna iti daytoy, nangipatulod ti South Korea ti team da idiay Cambodia tapno pagsasaritaan ti ibilang da a pannaka-kidnap dagiti kadaraan da.
Basar iti report, karaman dagiti 59 a south Koreans kadagiti agarop 200 a ribo a tattao a patta-patta ti United Nations a nasulisog ti scamming schemes iti Southeast Asia, no sadinno a kaadoan kadagitoy ket nasisirap iti naikari a dakkel a sweldo idinto a dagiti dadduma ket napwersa a nakipartisipar.
Nagdesisyon dagit opisyal ti South Korea a nangipatulod ti team da idiayi Cambodia kalpasan nga adda ti naireport a maysa a kadaraan da nga estudyante a nairaman iti scamming scheme a maipagarop a natay kalpasan a naparparigat.
Malaksid kadagiti karaman iti scamming scheme ket adda pay ti lima a South Koreans a naideportar gapu iti sabali pay a criminal offences.
