LAOAG CITY – Naarestar ti walo nga indibidual gapu iti panagsugalda iti maysa a pagtaengan iti Barangay 23, San Matias ditoy siudad ti Laoag.
Basar iti Laoag City Police Station, dagiti suspek ket agtawen ti 61, babai, naasawaan, vendor, residente ti Barangay 21 ditoy siudad ti Laoag, agtawen ti 53, lalaki, awanan asawa, painter, residente ti Barangay 22 San Andres, agtawen ti 50, babai, naasawaan, helper, residente ti Barangay 54-A Camangaan, agtawen ti 43, babai, naasawaan, residente ti Barangay 23 San Matias, agtawen ti 47, lalaki, awanan asawa, mangisursuro, residente ti Barangay 8 San Antonio iti ili ti Sarrat, agtawen ti 45, lalaki, naasawaan, government employee, Barangay 20 San Miguel ditoy siudad ti Laoag, agtawen ti 48, lalaki, naasawaan, helper, residente ti Barangay 23 San Matias ken agtawen ti 45, babai, naasawaan ken residente ti Barangay 53 Rioeng ditoy siudad ti Laoag.
Natiliw dagiti suspek kalpasan a naaktuaran dagiti otoridad nga agay-ayam ti Tong-its dagiti adda iti umuna a lamisaan idinto nga agay-ayam met ti Mahjong dagiti adda iti maikadua a lamisaan.
Nakumpiskar ti sumurok 19 ribu a pisos a mapapati a nausar a pusta dagiti suspek pakairamanan dagiti dadduma pay a kagamitan a nausar iti panagsusugal dagitoy.
