LAOAG CITY – Nagbaliktad ti maysa a tricycle kalpasan a nadungpar na ti poste iti Barangay 51-A, Nangalisan ditoy ciudad ti Laoag.
Naamoan a dagiti dua a pasaheros ken ti driver ket residente iti ili ti San Nicolas.
Basar iti imbestigasyon ti PNP, agpadaya ti tricycle ken rumrumuar a kasarsarita na pay ti driver ti maysa pay a tricycle mainaig iti pagdalanan da.
Naamoan a saan a naripar ti driver nga addan ti poste iti sangwanan da ken iti panangkabig na iti manibela ket naidungpar ti sidecar na iti poste.
Gapu iti daytoy, nagbaliktad ti tricycle ken maysa kadagiti babai a pasahero ket naawanan ti puot iti sumagmamano a gundaway.
Naamoan a dagitoy ket naggapo iti Laoag City General Hospital (LCGH) para iti panagbakuna da.
