LAOAG CITY – Awan ti aniaman nga ‘internal agreement’ a sinerrek ti administrasion ni Presidente Ferdinand Marcos Jr. iti China iti isyu ti Ayungin Shoal iti West Philippine Sea (WPS).
Daytoy ti inlawlawag ni Defense Secretary Gilberto Teodoro Jr. tapno malawlawagan ti sayangguseng iti nasao nga isyu.
Inaramid ni Teodoro ti rakurak kagiddan ti panagruar ti nadakamat nga isyu a paset ti propaganda.
Iti kallabes laeng ket nag-deploy ti China ti 124 a barko ken militias vessel iti West Philippine Sea sakbay pay a rinugian ti Multilateral Maritime Exercise.
Immunan a timmaud ti ‘gentlemen’s agreement’ iti nagbaetan ni dati a Presidente Rodrigo Duterte ken ti China a natiliw mismo iti bibig ni dati a Presidential Spokesman Hary Roque iti Ayungin Shoal.
