LAOAG CITY – Maysa a kompania ti taraon ken distillery idiay Australia ti mangikabkabil ti kuton iti gin-da gapu ta mangted daytoy iti raman ti citrus.
Nagtitinnulong ti kompania ti taraon a Something Wild ken ti Adelaide Hills Distillery ket nangaramidda iti naisangsangayan nga arak a mangipakita iti naisangsangayan nga estilo ti panagbiag dagiti agtutubo nga Australiano.
Dagiti berde a kuton wenno weaver ants ket gubuayan ti protina dagiti agtutubo nga Australiano idi un-unana. Ti larvae ken buksit dagitoy a kuton ket addaan iti raman ti lemon ken lime a mapapati a makaagas iti uyek, sakit ti ulo ken sakit ti karabukob.
Manipud idi nairuar ti Green Ant Gin iti merkado idi 2017, nalatak daytoy kadagiti kostumer ken nakaawat kadagiti premio manipud kadagiti kompetision ti espiritu iti intero a lubong. Mabalin a gatangen daytoy idiay Australia iti 100 nga Australian dollars wenno katukad ti P3,570.
