LAOAG CITY – Inlawlawag ni Ms. Rowena Nicolas, Nurse III ti City Health Office ditoy siudad ti Laoag no apay a saanda a pinili ti Laoag City General Hospital kas referral system-da ti PhilHealth Konsulta
Inbatadna a ti Mariano Marcos Memorial Hospital and Medical Center iti siudad ti Batac ti napilida gapu ta kumpleto ti serbisio medikal nga ipapaayda kadagiti pasiente no idasig iti Laoag City General Hospital.
Kunana a ti PhilHealth Konsulta ket nasken a maymaysa laeng nga ospital ti referral system-da.
Maipalagip nga inrakurak ni Nicolas nga accredited ti Philippine Health Insurance wennoPhilHealth kas kabinnulig iti pannakaipatungpal ti Konsulta Package.
Immuna iti daytoy, naammoan a saan laeng a dagiti taga ditoy siudad ti Laoag ti mabalinda nga ipaayan ti serbisio no di ket parakairamanan pay dagiti residente manipud kadagiti sabali nga ili.
Kabayatanna, manamanma nga ita a bulan ti Marso ti pannakaawatda ti sertipiko nga opisialda a mangrugin ti Konsulta Package.
