LAOAG CITY – Inpakaammo ni Engr. Shiela Opelac, ti mangidadaulo ti City Agriculture Office nga addan dagiti sumagmamano a mannalon ditoy siudad ti Laoag a naapektaran ti mula na a pagay ken mais gapu iti kinabara ti panawen.
Kunana a dagitoy a klase ti mula ket agkasapulan iti ado a danom aglalo no addan iti 3rd cropping.
Inbatad ni Opelac a no addan iti 80% a maturity dagiti mula a pagay ken mais ket nasaysayaat no apiten dan no mabalinen a maapit tapno saan a matay wenno madadael dagitoy.
Impasingked na a tulangan da dagiti mannalon a saan pay a nakaaplikar ti insurance na tapno masigurado nga adda maawat dagitoy benispisio no madadael dagiti mula da gapu iti kalamidad.
Mainaig iti daytoy, kunana a ti lokal a gobierno ti agbaybayad ti life insurance ti amin nga agricultural stake holders ditoy ciudad a dakkel a pagnam-ayan dagiti mannlon.
Kabayatanna, nagpalagip ni Opelac kadagiti mannalon a saan nga agpangadua nga agpatulong iti opisina da gapu ta sidaan dagitoy a mangipaay ti tulong.
