LAOAG CITY – Inrakurak ni Filipino pole vaulter EJ Obiena a saan daytoy a makaay-ayam iti 2025 World Athletics Indoor Championships.
Nupay kasta, inpasingkedna kadagiti supporters ken fans-na nga awan ti rikriknaenna nga injury ken imbes ket nakatutok isuna kadagiti outdoor season.
Naikeddeng nga agbalin a representative isuna ti pagilian kadagiti high-profile competitions.
Kunana a nagimbagen ti back injury-na ken agbalbalinen a napintas ti iwaywayatna a training.
Inaditirna a nadismaya daytoy kadagiti saan a nagballigi a torneo a nakipasetanna idi Pebrero no sadinno nga inbatadna nga uray adu pay nga oras a nag-qualify kadagiti World Indoor Championships ket awanen ti kumpetision daytoy a nakipasetan.
Naammoan a dagiti sumagmamano nga outdoor competitions a sagsagananna iti agdama ket ti World Championships, Asian Championships ken Southeast Asian Games.
Kabayatanna, ti agtawen ti 29 a ranked number 4 ket manamnama a sumabak iti Mondo Classics idiay Uppsala, Sweden inton Marso 13.
