LAOAG CITY – Normal laeng ti nabara a panawen a mapasaran ditoy pagilian ita a bulan ti Marso gapu iti panangrugi ti transition iti dry season basar iti PAGASA.
Inlawlawag ni PAGASA weather specialist Ana Clauren-Jorda a ti Northeast Monsoon wenno angin amian ket mabalin nga agpaot agingga iti katengngaan ti Marso ken daytoy ti panawen nga agsinnukaten iti panawen ti kalgaw.
Indeklara ti PAGASA ti ‘danger’ range iti nangato a temperatura kadagiti sumagmamano a lugar iti kallabes kas ti Science Garden Quezon City, Clark Airport, Pampanga ken CLSU Muñoz, Nueva Ecija.
Naammoan a ti heat index ket isu ti rukod ti temperatura a marikrikna ti maysa a tao nga agduma iti aktual nga air temperature.
