LAOAG CITY – Inpaima ti bise mayor iti Committee on Transportation ditoy ciudad ti Laoag ti pannakaimbestigar ti reklamo a naidanon iti Sang Panlungsod maipanggep kadagiti tricycle drivers ditoy ciudad.
Daytoy ti naidasar kabayatan ti regular session ti Sang Panlungsod ditoy ciudad ti Laoag.
Segun iti presiding officer, adda ti naawat da a reklamo no sadinno a maipagarup a saan nga agit-ited ti supli dagiti sumagmamano a tricycle driver ditoy ciudad.
Innayon ti opisyal a nakailanad iti mensahe a namin-adon a daras a napadasan da ti saan a nasuplian iti panaglugan da ti tricycle ditoy ciudad.
Inpetteng ti bise mayor a nasken a maimbestigar a nasayaat ti nasao nga isyu gapu ta nakababain daytoy nga ar-ramiden dagiti dadduma a tricycle driver no adda ti kinapudno na.
Kabayatanna, inpanamnama ti nasao a komite nga imbestigaren da nga insigida ti reklamo.
