LAOAG CITY – Nagbalin a nabara ti panangsangaili ni King Charles ken ni Canadian Prime Minister Mark Carney.
Daytoy ti kaunaan a panagbisita ni Carney iti ruar ti pagilian sipod idi nagtugaw kas baro a Prime Minister kalpasan ti panaglusulos ni Prime Minister Justin Trudeau.
Inpasigurado ni King Charles ti tulong nga ipaayda iti Canada nangruna ket sumangsangoda iti pangta manipud iti Estados Unidos.
Inbatad ni King Charles nga iti napalabas a tawen koma a bumisita daytoy iti Canada ngem na-diagnosed isuna nga addaan ti cancer.
Maipalagip a naaddaan ti trade war ti Estados Unidos ken Canada no sadinno a pinatawan ni United States President Donald Trump ti nangato a taripa dagiti produkto ti Canada.
