LAOAG CITY – Makaruaren iti ospital ni Pope Francis ita nga aldaw ti Domingo ken kasapulanna ti aginana iti uneg ti dua a bulan iti Vatican basar kadagiti doktor a mangtamtaming kenkuana.
Na-admit ni Pope Francis iti ospital idi aldaw mismo dagiti puso, Pebrero 14 gapu iti severe respiratory infection.
Inbatad ti doktor a ni Sergio Alfieri a makaruaren iti ospital ni Pope Francis ita nga aldaw ken agsubli iti Saint Martha’s House iti Vatican no sadinno nga addaan ni Pope Francis ti residential suite.
Kuna pay ti maysa a doktor a ni Luca Carbone a sumaysayaaten ti kasasaad iti salun-at ti Santo Papa.
Mangnamnama ni Carbone a maituloyen iti kabiitan a panawen ni Pope Francis dagiti normal nga aktibidad.
