LAOAG CITY – Inpangato ti administrasion Marcos ti borrowings wenno panangutang daytoy manipud iti domestic sources iti panangrugi ti 2025 kas ti total gross financing a dumanon iti ₱213.1 billion idi Enero.
Ti Gross domestic debt ket sumurok 71% ti pakabuklan ngem nagtalinaed nga adayo iti target ti gobierno nga 80% share.
Ita a tawen, gagaem ti gobierno a magun-od ti 80:20 borrowing ratio iti nagbaetan ti domestic ken foreign debt.
Naammoan a ti pakabuklan a domestic debt ket ngimmato ti ₱10.7 billion, dumanon iti ₱152.2 billion a mangipasimudaag daytoy iti agarup 8% a panagngato manipud iti ₱141.5 billion borrowed locally iti napalabas a tawen.
