LAOAG CITY – Saan a nakita da Honeylet Avacena ken anak daytoy a ni Veronica ‘Kitty’ Duterte ni dati a Presidente Rodrigo Duterte iti pagbaludan iti pasilidad ti International Criminal Court (ICC).
Apaman a simrekda iti Scheveningen Prison ti detention center ti International Criminal Court ket insigida dagitoy a rimmuar nga awan pay ti dua oras.
Kalpasan a nakaruar dagiti dua ket nakipinnulapolda kadagiti supporters ti dati a Presidente nga agur-uray iti ruar ti detention center.
Immuna iti daytoy, inrakurak ni Vice President Sara Duterte nga inpakaammonan iti International Criminal Court dagiti tattao a mabalin a bumisita iti dati a Presidente.
Manamnama a sumangpet idiay the Hague ti dati nga asawa ni Duterte a ni Elizabeth Zimmerman.
