LAOAG CITY – Nagballaag ni P/Col. Frederick Obar, Provincial Director ti Ilocos Norte Police Provincial Office kadagiti picnic goers ditoy probinsia.
Daytoy ket kalpasan nga umad-adu ti bilang ti drowning incident ditoy probinsia sipod idi bulan ti Marso nga agturong kadagiti pagdidigusan.
Inlawlawagna a masapul a bantayan a naimbag dagiti menor de edad no agturongda kadagiti pagdidigusan ken liklikan ti aginum tapno awan ti dakes a mapasamak.
Innayonna a nasken nga agbalin a naridam dagiti umili nangruna ket saan amin a pagdidigusan ket kabaelan a mabantayan dagiti otoridad.
