LAOAG CITY – Nangiwaras ti 1,700 nga enforcers ti Land Transportation Office wenno LTO ita nga Holy Week gapu iti posible a panagngato ti bilang dagiti lugan kadagiti kalsada.
Malaksid iti panangipasigurado ti seguridad dagiti motorista iti kalsada, daytoy ket tapno mamonitor met ti sumagmamano a kangrunaan a kalsada ken mangipatungpal ti linteg para iti reckless drivers kangrunaanna kadagiti makipaset kadagiti road racing.
Inbatad ni Land Transportation Office Chief Asec. Atty. Vigor Mendoza II, daytoy nga inisyatibo ket kabinnuligda ti Philippine National Police ken dadduma pay a mangipatpatungpal ti linteg iti babaen ti panag-report iti ahensiada dagiti reckless drivers.
Nagballaag ni Asec. Mendoza II para kadagiti motorista a malibasanda man dagiti enforcers ket ammodan ti aramidenda tapno maipasigurado a mapagsungbat dagiti iresponsable a driver iti kalsada.
