LAOAG CITY – Nagtaripnong ti Department of Agriculture ken dagiti stakeholders iti industria ti baboy nga ad-adda a paigetan ti pannakaipatungpal ti Maximum Suggested Retail Price (MSRP) kadagiti mailaklako a produkto a baboy kadagiti tiendaan.
Daytoy ket kalpasan a nangiwayat ti inspeksion ti departamento kadagiti sumagmamano a tiendaan idiay Metro Manila no sadinno a nakita dagiti opisial ti ahensia ti nababa a compliance dagiti retailers iti napagsaritaan a Maximum Suggested Retail Price.
Inbatad ni Usecretary for Livestock Dante Palabrica ti katulagan ket gagem tapno maliklikan ti ad-adu pay a pannakaipatungpal dagiti interventions a mabalin a makaitunda iti panagpresio kadagiti basic commodities kadagiti tiendaan.
Kunana a nasken a suroten ti naiyatnag a Maximum Suggested Retail Price tapno mapagtalinaed a balanse ti biruk iti nagbaetan dagiti producers, traders, retailers ken consumers nangruna iti ipapaay a rigat ti inflation.
Kabayatanna, immunan a kiniddaw ni Agriculture Sec. Francisco Tiu Laurel Jr. iti pork industry a suportaran dagiti inisyatibo ken plano daytoy kadagiti ahensia tapno maisubli ti agarup 14 a milyon nga imbentario dagiti baboy iti pagilian sakbay ti intunda ti African Swine Fever (ASF).
