LAOAG CITY – Kinomendaran ti konseho iti Barangay 1, San Lorenzo ditoy ciudad ti Laoag nga idadaulwan ni Barangay Chairman Manny Morales.
Daytoy ket kalpasan iti panagkampeon da iti Ilocos Norte Award for Barangay Excellence in Legislation (INABEL) 2025 ( Cities Category) .
Segun ti konseho, ti nasao a pammadayaw ket nangipaay iti sabali manen a pannakaitag-ay ditoy ciudad ti Laoag.
Inbatad ti konseho a kasapolan a maipaayan ti nadakamat a barangay iti pammigbig gapu iti inpakita da a naiget a panagtrabaho iti uneg iti baranggayda ken dadduma pay.
Gagem ti Ilocos Norte Award for Barangay Excellence in Legislation ( INABEL ) ket tapno ad-adda pay a maiyam-ammo kadagiti barangay ti kinapateg dagitoy nga aramid ken tapno agtalinaed a sibibiag ti kultura nga abel wenno inabel iti maysa a komunidad .
Kabayatanna, inawat ni Barangay Chairman Morales ti Certificate of Commendation iti Sang Panlungsod, pammaneknek iti kinaagresibo dagitoy nga agtrabaho iti barangay da.
