LAOAG CITY – Naipatungpal ti naruay nga extra security measures iti uneg ken ruwar ti Vatican sumagmamano nga oras sakbay ti pannakaitabon ni Pope Francis no sadinno nga addan iti lugar ti naruay a world leaders.
Makita dagiti naruay a pulis ken sniffer dogs, dinosdosena a soldado, karaman dagiti miembro ti air force nga addaan ti giant hand-held jammer guns kas proteksyon kontra iti drones.
Mainaig iti daytoy, agarop alas-siyete ti rabii idiay Vatican idi inpasardeng da ti public viewing ken nagpadespensar da laengen kadagiti naruay a tattao a saanen a naikkan ti gundaway a makakita iti maudi a gundaway iti santo papa.
Iti oras ti alas-8 ti rabii ket indaulwan ni Cardinal Camerlengo Kevin Farrell ti seremonyas ti Sealing of the Coffin.
Saan a dinakamat ti Vatican no mano dagiti nangangato nga opisyal iti nagduduma a pagilian ti agatendar.
Immuna iti listaan ni US President Donald Trump idinto nga adda metten da Presidente Ferdinand Marcos ken First Lady Liza Marcos idiay Vatican tapno atendaran ti pannakaitabon ti santo papa.
Kabayatanna, inbatad ti Vatican a manamnama a rugyan dagiti cardinals ti agpili iti baro a santo papa, 10 nga aldaw kalpasan a maitabon ni Pope Francis.
