LAOAG CITY – Sinuspenso iti innem a bolan ti Office of the Ombudsman ni Cebu Governor Gwen Garcia.
Daytoy ket adda ti pakainaigan ti kaso iti panangipaay na ti special quarry permit iti maysa a construction company a saanna nga inalaan ti environmental compliance certificate (ECC) ken dadduma pay a dokumento.
Iti uppat a pinanid a desisyon nga inparuk-at ti Office of the Ombudsman idi Abril 23, iti uneg ti innem a bolan a pannakasuspenso ti gobernador ket awan ti maawatna a sweldo.
Inlawlawag ti Ombudsman a ti suspension ket mabalin a maikkat aniaman nga oras no malpas ti imbestigasyon wenno daytoy ket naibasuran.
Uray nasuspenso ni Garcia ket inlawlawag ti Commission on Election (COMELEC) ket agtalinaed latta a kandidato intono Mayo 12.
Innayon ti COMELEC a saan a makaapektar ti suspension na iti panagkandidato na manen para iti eleksyon.
