LAOAG CITY – Inaprobaranen ti Bangko Sentral ng Pilipinas a ti $6.29 billion wenno sumurok iti ₱350 billion ti nailungalong a foreign borrowings ti administrasion Marcos iti umuna a kuarter ti 2025.
Daytoy ket doble no maidasig iti napalabas a tawen.
Ti inaprobaran a foreign borrowings, dagiti amin nga addaan ti medium to long-term maturities pakairamanan ti $3.33 billion a bond issuances, $1.46 billion a project loans ken $1.50 billion a program loans.
Naammoan a karaman ti “socio-economic programs and projects ken ti settlement of maturing financial obligations.”
Inlawlawag ti Bangko Sentral ng Pilipinas a pundoan ti program loans ti economic ken financial initiatives idinto a ti project loans ket pundoan met ti transportation ken infrastructure projects.
