LAOAG CITY – Naikkat iti serbisio ti agarup maysa a ribu a pulis gapu kadagiti panaglabsing ken misconduct sipod pay idi tawen 2024 basar iti Philippine National Police.
Basar iti nagbalin a datos ti Philippine National Police, sipod idi Abril iti napalabas a tawen agingga iti Abril 23 ti agdama a tawen, adda ti pakabuklan a bilang a 1,288 a pulis ti inikkaten iti serbisio idinto a 172 met dagiti na-demote ken 1,456 met dagiti pinatawan ti suspension ken dagiti disciplinary actions.
Naammoan a dagitoy a datos ket maiyallubog iti nagbalin a diektiba ni Presidente Ferdinand Marcos Jr. a nasken a saan a kunsintiren dagiti nasao a klase nga aramid nangruna dagiti pulis a manangabuso kadagiti posisionda.
Kabayatanna, inpaganetget ni Philippine National Police Chief PGen. Rommel Francisco Marbil a dagiti nasao nga addang ket pammaneknek laeng ti panagtalinaed ken panangipangpangruna ti nailian a pulisia ti maaddaan ti disiplina ken panangitandudo ti panagtalek ti publiko a saanda nga abusoen ti biddot nga aramid.
