LAOAG CITY – Maibilangen a “ghost project” dagiti Water reservoir ken portable water kadagiti sumagmamano a barangay ditoy ciudad ti Laoag.
Segun iti presiding officer iti Sang Panlungsod, nadismaya kalpasan a naduktalan na a dagiti proyekto a water reservoir and portable water ket maipagarop a nabayagen a saan nga agop-operar kadagiti sumagmamano a barangay ditoy ciudad ti Laoag.
Inpetteng na nga agrigna agbalbalinen dagitoy a “ghost project” gapu iti kinabayagen a saan da a naus-usar.
Inbatad na a karaman ditoy ti water reservoir and portable water iti Brgy Caoacan, Cataban ken Metro Lapaz .
Innayon na a basar kadagiti residente a nakasarsarita na ket agarup 2 agingga iti 3 a tawenen a saan a maus-usar wenno agopoperar dagiti nasao a proyekto.
Gapu iti daytoy, kalikagom ti konseho nga amwen no ania ti status dagiti nadakamat a proyekto ken no siasinno iti nakaipaimaan dagitoy.
Kabayatanna, kuna ti presiding officer a masapol nga agtultuloy iti panagoperar dagitoy a proyekto aglalo kadagiti barangay a nakisang iti supply ti danom na iti panawen ti kalgaw.
