LAOAG CITY – Mangiwayat ti naun-uneg nga imbestigasion dagiti otoridad iti napasamak a pannakapaltu-paltog iti sango ti pagtaengan ni Barangay Chairman Sherman Valdez iti Barangay Saud iti ili ti Badoc.
Daytoy ti inpakaammo ni P/Capt. Elison Pasamonte, Hepe ti Badoc Municipal Police Station.
Segun kenkuana, basar iti inwayatda nga imbestigasion, maysa laeng a kapsula ti bala ti narekobreda iti kalsada iti sango ti pagtaengan ti nasao a Kapitan.
Inbatadna a nagkiddaw daytoy ti tulong ken pannakikoordinar kadagiti residente a nakakita iti insidente a mangipaayda ti impormasion para iti panagdur-as ti imbestigasion.
Maipalagip a mabutbuteng ni Kapitan Valdez gapu iti napasamak a naminpat a daras a pinaputokanda ti paltog iti sango ti pagtaenganda babaen kadagiti saan pay a nabigbig a suspek.
Immuna iti daytoy, mamati ti nadakamat a Kapitan nga adda ti maris pulitikana iti napasamak nga insidente.
